Turkiya parlamenti Erdo‘g‘onning qo‘shimcha vakolatlari to‘g‘risidagi qonunning asosiy moddalarini ma’qulladi

Turkiya parlamenti deputatlari 13-dekabr, juma kunga o‘tar kechasi konstitutsiyaga kiritiladigan, prezident vakolatlarini kengaytirishni ko‘zda tutuvchi tuzatishlar to‘g‘risidagi qonun loyihasining uchta asosiy moddasini tasdiqladi, deb yozadi “Interfaks”.

Bunda gap, xususan, davlat rahbariga buyruqlarni parlamentga ko‘rib chiqish uchun taqdim qilmasdan turib, chiqarish imkoniyatini berish haqida bormoqda. Prezident, shuningdek, vitse-prezident, vazir va boshqa yuqori mansabli rasmiy shaxslarni mustaqil ravishda tayinlay oladi. Bundan tashqari, prezident parlament qabul qiladigan qonunlarni ko‘rib chiqish uchun konstitutsiyaviy sudga taqdim etishi mumkin. Ushbu sudning 15 a’zosidan 12 nafarini Turkiya prezidentining shaxsan o‘zi tayinlaydi.

Agar parlament qonun loyihasini ma’qullasa, u umummilliy referendumga chiqariladi. Ayni paytga qadar deputatlar qonun loyihasining 18 ta moddasidan 8 tasini tasdiqladi.