Forbes jurnali ro‘yxatidagi rossiyalik milliarderlarning umumiy boyligi Donald Tramp AQSh prezidentligiga saylangan vaqtdan buyon 29 milliard dollarga ko‘paydi, deb yozadi “Vedomosti”. Bu milliy valyutaning mustahkamlanishi (2016-yilda 20 foizga) va Rossiya qimmatbaho qog‘ozlari narxining oshishi sharofati bilan yuz bergan.
Eng ko‘p Gennadiy Timchenko va Leonid Mixelsonning kapitallari ko‘paygan. Chunonchi, “Novatek” gaz kompaniyasi aksiyalari 16 foizga oshishi natijasida Timchenkoning davlati 1,8 milliard dollarga ko‘payib, 15,1 milliard dollarga baholanmoqda. “Novatek”ning yana bir investori Mixelson esa 1,9 milliard dollarga boyidi. Uning kapitali 18,2 milliard dollarga baholandi.
Shu tariqa, Rossiyaning eng boy odamlari kapitali boshqa har qanday davlatdagidan ko‘ra tezroq o‘sdi. Rossiyalik milliarderlarning umumiy kapitali AQSh prezidenti saylovlaridan keyin umumiy summaning 7,1 foiziga o‘sgan bo‘lsa, amerikaliklarda ushbu ko‘rsatkich 2,8 foizni tashkil etdi.
Izoh (0)