Janubiy Koreya hukumati AQSh va Yaponiyaning KXDR suv osti kemalariga qarshi harakatlarni mashq qilish bo‘yicha harbiy-dengiz kuchlarining uch tomonlama harbiy mashg‘ulotlarini o‘tkazish haqidagi taklifini rad etdi, deb yozadi “TASS”. Bunday g‘oya dekabr oyida uch mamlakat harbiy idoralarining yuqori mansabli vakillarining Seulda bo‘lib o‘tgan maslahatlashuvlari chog‘ida ilgari surilgan edi.
Suv osti kemalariga qarshi kollektiv harbiy mashg‘ulotlar g‘oyasi noyabr oyida Tokio va Seul o‘rtasida maxfiy harbiy axborot almashish to‘g‘risida bitim imzolangani munosabati bilan aytilgan edi.
Biroq Seul uch tomonlama mashg‘ulotlarni Janubiy Koreyaning amaldagi prezidenti Pak Kin Xening impichmenti jarayoni bilan bog‘liq tartibsizlik fonida o‘tkazmaslikni taklif qildi. Tokio bilan yangi harbiy bitim tuzilishi ustida aynan u turgan, ammo hozir Janubiy Koreyada hokimiyatdan chetlatilgan Pak Kin Xe bilan bog‘liq hech narsa qabul qilinmayapti.
Izoh (0)