“Ularning ko‘zidagi yoshni ko‘rib, o‘zim ham yig‘lab yubordim”. 700 nafar fransiyalik o‘quvchi o‘z jismoniy tarbiya o‘qituvchisini nafaqaga kuzatmoqda (video)

Fransiyaning Kot-d’Or departamentida jismoniy tarbiya o‘qituvchisi Alan Donnat Paul-Fort kollejidagi 38 yillik faoliyatidan so‘ng nafaqaga chiqish uchun ariza berdi. Uning oxirgi ish kunida kollejning 700 nafar o‘quvchisi faxriy qorovullikni shakllantirib, o‘qituvchisini kutib oldi, deb yozadi TJournal.

Kutilmagan qarsaklar dastlab o‘qituvchini shokka tushirgan bo‘lsa-da, u o‘quvchilardan iborat yo‘lakdan yurib o‘tdi.

“Men ulkan chiziq bo‘lib saf tortgan kollej o‘quvchilarini ko‘rdim va nima qilish kerak deb o‘yladim. Oldinga yurishda davom etish kerakmi yoki ortga qaytish? Men yig‘layotgan bolalarning nigohlarini ko‘rdim va o‘zim ham yig‘lab yubordim”, — deydi Alan.

Eslatib o‘tamiz, avvalroq Kaliforniyadagi maktab o‘quvchilari Rojdestvoda o‘qituvchisiga orzusidagi oyoq kiyimni sovg‘a qilgan edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.