Франциянинг Кот-д’Ор департаментида жисмоний тарбия ўқитувчиси Алан Доннат Паул-Форт коллежидаги 38 йиллик фаолиятидан сўнг нафақага чиқиш учун ариза берди. Унинг охирги иш кунида коллежнинг 700 нафар ўқувчиси фахрий қоровулликни шакллантириб, ўқитувчисини кутиб олди, деб ёзади TJournal.
Кутилмаган қарсаклар дастлаб ўқитувчини шокка туширган бўлса-да, у ўқувчилардан иборат йўлакдан юриб ўтди.
«Мен улкан чизиқ бўлиб саф тортган коллеж ўқувчиларини кўрдим ва нима қилиш керак деб ўйладим. Олдинга юришда давом этиш керакми ёки ортга қайтиш? Мен йиғлаётган болаларнинг нигоҳларини кўрдим ва ўзим ҳам йиғлаб юбордим», — дейди Алан.
Эслатиб ўтамиз, аввалроқ Калифорниядаги мактаб ўқувчилари Рождествода ўқитувчисига орзусидаги оёқ кийимни совға қилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)