Futbol bo‘yicha Farg‘onaning “Neftchi” klubi sharafini bir necha mavsum himoya qilgan yarim himoyachi Mansur Saidov jamoani tark etdi. Futbolchi “Futbol Ekspress” nashri bilan suhbatda bunga sabab qilib klubning unga bo‘lgan muomalasini ko‘rsatgan.
Jamoa uchun foydali o‘yinchi bo‘lmasam, faoliyatim yakuniga ozgina qoldi-ku deb, indamay yuraverardim. Ammo hozirgi kuchim yuqori saviyada o‘ynash uchun yetadi. Men o‘zimni hurmat qilaman.Mansur Saidov “Qizilqum” klubining taklifi unga yoqayotgani haqida aytib o‘tgan. Boisi Navoiy klubi safida uning sobiq jamoadoshlari to‘p suradi. Saidov “Qizilqum” menejeri Hamid Aktamov haqida iliq fikrlar eshitgan.Klubdagilarning menga bo‘lgan muomalasi yoqmadi. Jarima sifatida mukofot pullarimizni kesib tashlashdi. Vaholanki, men ulardan katta pul so‘ramagandim. Doim ularning talabiga bo‘ysunib kelganman. Bunday holatda klubdan ketish, men uchun achinarli.
Mansur Saidov, “Neftchi” a’zosi
Qayd etish kerak, oliy liganing 2017-yilgi mavsumidan boshlab menejerlar jamoani boshqara olmaydi. Murabbiylar esa albatta Pro litsenziyasiga ega bo‘lishi shart.
Mansur Saidov “Neftchi” uchun oliy liga doirasida 2016-yil 25 ta o‘yin o‘tkazib, 3 ta gol urishga muvaffaq bo‘lgandi.
Izoh (0)