Футбол бўйича Фарғонанинг «Нефтчи» клуби шарафини бир неча мавсум ҳимоя қилган ярим ҳимоячи Мансур Саидов жамоани тарк этди. Футболчи «Футбол Экспресс» нашри билан суҳбатда бунга сабаб қилиб клубнинг унга бўлган муомаласини кўрсатган.
Жамоа учун фойдали ўйинчи бўлмасам, фаолиятим якунига озгина қолди-ку деб, индамай юраверардим. Аммо ҳозирги кучим юқори савияда ўйнаш учун етади. Мен ўзимни ҳурмат қиламан.Мансур Саидов «Қизилқум» клубининг таклифи унга ёқаётгани ҳақида айтиб ўтган. Боиси Навоий клуби сафида унинг собиқ жамоадошлари тўп суради. Саидов «Қизилқум» менежери Ҳамид Актамов ҳақида илиқ фикрлар эшитган.Клубдагиларнинг менга бўлган муомаласи ёқмади. Жарима сифатида мукофот пулларимизни кесиб ташлашди. Ваҳоланки, мен улардан катта пул сўрамагандим. Доим уларнинг талабига бўйсуниб келганман. Бундай ҳолатда клубдан кетиш, мен учун ачинарли.
Мансур Саидов, «Нефтчи» аъзоси
Қайд этиш керак, олий лиганинг 2017 йилги мавсумидан бошлаб менежерлар жамоани бошқара олмайди. Мураббийлар эса албатта Про лицензиясига эга бўлиши шарт.
Мансур Саидов «Нефтчи» учун олий лига доирасида 2016 йил 25 та ўйин ўтказиб, 3 та гол уришга муваффақ бўлганди.
Изоҳ (0)