Qozog‘iston prezidenti Nursulton Nazarboyev “Yil odami — 2016” xalqaro mukofotiga “Xalqaro aloqalar” yo‘nalishida sazovor bo‘ldi, deya xabar bermoqda Kazakhstan Today.
Mukofot Nazarboyevga xalqaro siyosatdagi misli ko‘rilmagan yutuqlari hamda Yevrosiyo iqtisodiy ittifoqini mustahkamlashga qo‘shgan hissasi uchun berildi.
Shuningdek, “Xalqaro aloqalar” nominatsiyasida Kuba inqilobining marhum yetakchisi Fidel Kastro, Xitoy Xalq Respublikasi raisi Si Szinpin, “Klub Rossiya” jamoatchilik tashkiloti prezidenti, Chexiya-Rossiya ishbilarmonlar kengashi tashkilotchisi va birinchi vitse-prezidenti Zbitek Zdenek ham mukofot bilan taqdirlandi.
“Yil odami” mukofoti Rossiya biografiya instituti tomonidan 1993-yilda ta’sis etilgan bo‘lib, ilm-fan, madaniyat, davlat boshqaruvi, ijtimoiy mas’uliyatli biznes, xayriya va ma’rifatparvarlik sohasidagi faoliyatida erishgan muvaffaqiyatlar uchun beriladi. Nursulton Nazarboyev mukofotga to‘rtinchi marta loyiq deb topildi. Bungacha institut Qozog‘iston prezidentini 2012-, 2014- va 2015-yillarda ham mukofotlagan.
Izoh (0)