Tojikiston hukumati “Ural havo yo‘llari” kompaniyasi tomonidan amalga oshirilgan Krasnodar, Ufa, Chelyabinsk va Krasnoyarskdan Dushanbega reyslarni bekor qildi. Bu haqda respublika transport vazirligining fuqarolar aviatsiyasi departamenti boshlig‘i Yusuf Rahmonov ma’lum qildi, deb yozadi “RIA Novosti”.
Amaldor bunday xatti-harakatlar Moskva tomonidan Tojikistonning “Somon Eyr” aviakompaniyasining Rossiya hududlariga reyslari to‘xtatilishiga javob chorasi bo‘lganiga aniqlik kiritdi. Reyslarni yopish haqidagi qaror 23-dekabr, juma kuni Toshkent vaqti bilan 12:00 da kuchga kiradi.
Eslatib o‘tamiz, oldinroq Rossiya tomoni Tojikiston zimmasiga olgan majburiyatlarni bajarmasa, ushbu mamlakat bilan aviaqatnov to‘xtatilishini bildirgandi.
Keyinroq Rossiya va Tojikiston aviatsiya rasmiylari “Yamal” aviakompaniyasining “Jukovskiy” aeroportidan parvozini kelishib oldi. Shu tariqa ikki mamlakat o‘rtasida aviaqatnov tiklandi.
Izoh (0)