AQSh Markaziy razvedka boshqarmasi direktori Rossiyaga kiberhujumlarga qarshi chiqdi

AQSh Markaziy razvedka boshqarmasi direktori Jon Brennan Rossiyaga uyushtiriladigan kiberhujumlarga qarshi chiqdi, deb yozadi “Vedomosti”.

“Biz dushmanlarimiz bizga qarshi qo‘llaydigan bunday taktika va texnik usullardan foydalanishimiz kerak deb o‘ylamayman. Biz nima uchun kurashayotganimizni yodda tutishimiz kerak. Biz o‘z mamlakatimiz, demokratiyamiz, hayot tarzimiz uchun kurashmoqdamiz. Raqiblarimiz va dushmanlarimiz qo‘llaydigan qallobliklar bu mamlakat salobatidan pastda turadi, deb o‘ylayman”, — dedi Brennan.

Avvalroq AQSh prezidenti Barak Obama Rossiyani Amerikadagi saylov jarayoniga aralashishda ayblagan va javob choralari ko‘rishga va’da bergan edi. Keyinroq New York Times gazetasi maxsus xizmatlar Rossiyaga hujum variantlarini ishlab chiqayotganini ma’lum qildi.