Қозоғистон президенти Нурсултон Назарбоев «Йил одами — 2016» халқаро мукофотига «Халқаро алоқалар» йўналишида сазовор бўлди, дея хабар бермоқда Kazakhstan Today.
Мукофот Назарбоевга халқаро сиёсатдаги мисли кўрилмаган ютуқлари ҳамда Евросиё иқтисодий иттифоқини мустаҳкамлашга қўшган ҳиссаси учун берилди.
Шунингдек, «Халқаро алоқалар» номинациясида Куба инқилобининг марҳум етакчиси Фидель Кастро, Хитой Халқ Республикаси раиси Си Цзиньпин, «Клуб Россия» жамоатчилик ташкилоти президенти, Чехия-Россия ишбилармонлар кенгаши ташкилотчиси ва биринчи вице-президенти Збитек Зденек ҳам мукофот билан тақдирланди.
«Йил одами» мукофоти Россия биография институти томонидан 1993 йилда таъсис этилган бўлиб, илм-фан, маданият, давлат бошқаруви, ижтимоий масъулиятли бизнес, хайрия ва маърифатпарварлик соҳасидаги фаолиятида эришган муваффақиятлар учун берилади. Нурсултон Назарбоев мукофотга тўртинчи марта лойиқ деб топилди. Бунгача институт Қозоғистон президентини 2012, 2014 ва 2015 йилларда ҳам мукофотлаган.
Изоҳ (0)