Liviyaning Afriqiyah Airways aviakompaniyasiga tegishli A320 samolyoti olib qochuvchilar tomonidan egallab olindi. Meduza’ning xabar berishicha, mahalliy yo‘nalish bo‘ylab parvoz qilayotgan layner Malta aeroportiga qo‘ndi.
Xabar berishlaricha, Liviyaning Seba shahridan Tripoliga parvoz qilayotgan samolyot bortida 118 kishi bo‘lgan.
Malta nashrlari xabariga ko‘ra, samolyot bortida ikki olib qochuvchi bor, ular samolyotni portlatib yuborish bilan tahdid qilmoqda. Samolyotni egallab olganlar aynan nima talab qilayotgani hozircha ma’lum emas.
Malta bosh vaziri Jozef Muskat Twitter’dagi sahifasi orqali ma’lum qilishicha, samolyot o‘g‘irlangani haqida axborot olgan. Uning so‘zlariga ko‘ra, mazkur axborot huquqni muhofaza qilish organlari tomonidan o‘rganilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)