Ливиянинг Afriqiyah Airways авиакомпаниясига тегишли A320 самолёти олиб қочувчилар томонидан эгаллаб олинди. Meduza’нинг хабар беришича, маҳаллий йўналиш бўйлаб парвоз қилаётган лайнер Малта аэропортига қўнди.
Хабар беришларича, Ливиянинг Себа шаҳридан Триполига парвоз қилаётган самолёт бортида 118 киши бўлган.
Малта нашрлари хабарига кўра, самолёт бортида икки олиб қочувчи бор, улар самолётни портлатиб юбориш билан таҳдид қилмоқда. Самолётни эгаллаб олганлар айнан нима талаб қилаётгани ҳозирча маълум эмас.
Малта бош вазири Жозеф Мускат Twitter’даги саҳифаси орқали маълум қилишича, самолёт ўғирлангани ҳақида ахборот олган. Унинг сўзларига кўра, мазкур ахборот ҳуқуқни муҳофаза қилиш органлари томонидан ўрганилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)