IShID jangarilari ikki nafar turk harbiy xizmatchisini tiriklayin yoqib yubordi. Bu haqda Kazakhstan Today xabar bermoqda.
Harbiylar qatli tasvirlangan video internetda tarqalgandan so‘ng turk rasmiylari ijtimoiy tarmoqlardagi faollikka qator cheklovlar joriy etdi. Oldinroq Rossiyaning Turkiyadagi elchisi Andrey Karlov o‘ldirilgandan so‘ng shunday choralar qo‘llangandi.
Terrorchilar bundan bir yil avval asir olgan askarlar Suriyaning Al-Bob shahrida qatl etilgani bildirilmoqda. Mazkur shahar uchun janglarda turk qo‘shinlari va ular tomonidan qo‘llab-quvvatlanadigan Suriya ozodlik armiyasi 138 nafar jangarini yo‘q qilgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)