19-dekabr kuni bo‘lib o‘tgan Rossiya — NATO kengashi doirasidagi muloqot halol va mufassal bo‘ldi. Bu haqda NATO bosh kotibi Yens Stoltenberg ma’lum qildi, deb yozadi “RBK”.
Uning so‘zlariga ko‘ra, “keskin vaziyatlar chog‘ida muloqot eng muhim narsa”. U Rossiya va NATO muloqot tarafdori ekanligini va aloqa uchun kanallarni ochiq tutishini ta’kidladi. Stoltenberg muhokama uchun birinchi mavzu Ukraina “ichi va tashidagi” inqiroz bo‘lganini aytdi. Uning qayd etishicha, alyans va Rossiyada ushbu masala bo‘yicha chuqur ziddiyat bor.
Stoltenberg alyans Qrimning Rossiyaga qo‘shilishini “noqonuniy” deb tan olmaganini va bunday qilmasligini ta’kidladi. U alyans Ukraina suvereniteti va hududiy daxlsizligiga katta ko‘mak berayotganini qayd etdi.
NATO bosh kotibi Minsk kelishuvlarini bajarishning muhimligi va zarurligini aytdi. Uning so‘zlariga ko‘ra, alyans Rossiyani Ukraina janubi-sharqidagi qurolli guruhlarga ta’siridan foydalanib, kelishuv shartlarini bajarishga chaqirishini so‘ragan. Bundan tashqari, Rossiya — NATO kengashida Afg‘onistondagi xavfsizlik bilan bog‘liq vaziyat muhokama qilingan.
Stoltenberg muloqotsiz alyans va Rossiya o‘z ixtiloflarini bartaraf qilib, hamjihatlikni yaxshilay olmasligini ta’kidladi.
Izoh (0)