Janubiy Qozog‘istondagi qishloqlarning 7 nafar hokimi garov puli evaziga hibsdan ozod etildi. Bu haqda Kazakhstan Today xabar bermoqda.
“Dastlab yetti nafar mansabdorga nisbatan hibsga olish chorasi qo‘llangandi. Keyinchalik ularning shikoyati tufayli viloyat sudi apellyatsiya kollegiyasi mazkur chorani ko‘rib chiqdi va garovga almashtirdi”, — deya ma’lum qildi viloyat prokuraturasi boshqarma boshlig‘i Bauirjan Berdibekov.
Qozog‘iston Aksilkorrupsiyaviy xizmati tomonidan Janubiy Qozog‘iston viloyatining Maxtaorol tumanidagi qishloq okruglari hokimlari xususiy bog‘chalar rahbarlari bilan til biriktirib, 100 million tengedan ko‘proq budjet mablag‘ini talon-taroj etgani aniqlangandi. Mansabdorlar bir bolani bir necha bog‘chaga joylashtirib, tarbiyalanuvchilarning soxta ro‘yxatlarini tuzgan. Shu tariqa bolalar soni va ularga sarflanadigan xarajatlar summasi ham sun’iy ravishda oshirilgan.
Shuningdek, hokimlar Aksilkorrupsiyaviy xizmat mansabdor shaxslariga pora berish orqali jinoiy javobgarlikdan qutulib qolishga harakat qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)