Braziliyaning sobiq prezidenti Luis Inasiu Lula da Silvaga Petrobras neft kompaniyasidagi korrupsiya bilan bog‘liq jinoiy ish doirasida yangi ayblovlar e’lon qilindi. Bu haqda “Interfaks” xabar bermoqda.
Prokuratura sobiq davlat rahbarini Petrobras bilan 8 ta shartnoma tuzishda ko‘mak bergani evaziga Odebrecht qurilish kompaniyasidan jami 75 million real (22 million dollar) pora olganlikda ayblamoqda.
Bu Lula da Silvaga nisbatan qo‘zg‘atilgan birinchi jinoiy ish emas. Tergovchilar sobiq prezident va uning turmush o‘rtog‘ini Guaruja kurort shahridagi hashamatli koshonani deklaratsiya qilmaganlik va OAS qurilish kompaniyasidan noqonuniy ravishda 747,8 ming dollar olganlikda ham gumon qilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)