Eronning Patris kemasi Volga-Kaspiy kemalar kanalida muzlar orasiga tiqilib qoldi, deb yozadi “TASS”.
Ekipajdan hech kimga zarar yetgani yo‘q, yoriqlar paydo bo‘lmadi, kemaga muzyorar kemalar yo‘naltirildi.
Hodisa 15-dekabr kuni yuz bergan. ammo bu haqda endi ma’lum bo‘lgan. Eron kemasi yuk bilan Astraxandan Eronning Enzeli portiga yo‘l olgan. Ekipaj 11 kishidan iborat bo‘lgan. Favqulodda vaziyatlar vazirligining Astraxan viloyati bo‘yicha boshqarmasi ekipajni oziq-ovqat bilan ta’minlagan.
Volga-Kaspiy kema kanali Rossiyadagi eng qadimiy va uzun kanallardan biridir, u 188 km masofaga cho‘zilgan. U Astraxan portini Kaspiy dengizi bilan birlashtiruvchi asosiy suv yo‘li hisoblanadi.
Izoh (0)