“AskDoctor loyihasi haqida Facebook orqali xabar topdim. Loyihaning ijtimoiy tarmoqdagi sahifasini kuzatib, salomatligimiz to‘g‘risida ko‘p ma’lumotlar oldim. Keyin smartfonimga AskDoctor mobil ilovasini yuklab oldim, — deydi Anvar Muratov. — Belim og‘riganda ilovadagi shifokorlardan biriga murojaat qilganimda, shikoyatim bilan batafsil tanishgan mutaxassis foydali tavsiyalar berdi”.
Foydalanuvchining aytishicha, salomatligiga e’tiborli har qanday insonni befarq qoldirmaydigan AskDoctor mobil ilovasi sog‘liq bilan biror muammo paydo bo‘lganda qaysi shifokor va qaysi shifoxonaga borishni aniqlash uchun zo‘r imkoniyat. Undan tashqari, kasalliklar oldini olish va sog‘lom hayot kechirish uchun ham malakali mutaxassislardan beg‘araz maslahatlar olish mumkin.
Yaxshi shifokor kerak bo‘lsa
Biror yerimiz bezovta qilsa, yaxshi shifokor qidirib qolamiz. Yangi loyiha sharofati bilan endi O‘zbekistonning eng nufuzli klinikalari, ular haqidagi so‘nggi yangiliklar va tajribali shifokorlar haqidagi ochiq ma’lumotlar bazasi mavjud! Shuningdek, jamoatchilik fikri, foydalanuvchilarning baholari asosida shakllanadigan reyting sizga yaxshi doktor topishda ishonchli yo‘lboshchi bo‘ladi. O‘nlab klinikalar, barcha mutaxassisliklar bo‘yicha 100 dan ziyod mutaxassis. Ularni ko‘rib chiqish uchun AskDoctor.uz saytiga kirish yoki shu nomdagi maxsus mobil ilovani AppStore/Playmarket internet do‘konidan bepul yuklab olish kifoya.
Shifokor qabuliga navbat kutish — endi o‘tmish
Yaxshi shifokorlar, ular qayerda tahsil olgani, ish faoliyati va erishgan yutuqlari haqidagi to‘liq ma’lumotni olishdan tashqari siz u shifokorlarga to‘g‘ridan-to‘g‘ri murojaat qilishingiz mumkin. “Salomatligidan shikoyati bo‘lgan inson biror shifokorga ko‘rinmoqchi bo‘lsa, ma’lum vaqt uning qabuliga navbatda turadi. Ko‘p holatlarda shifokor muammo bilan besh-o‘n daqiqa tanishgach, ultratovush diagnostikasi, qon tahlili natijalarini olib kelishini aytadi. Qarabsizki, bemor ko‘rik vaqtidan ko‘ra ko‘proq muddat navbatda turadi, — deya tushuntiradi AskDoctor loyihasi tashkilotchilari. — AskDoctor yordamida bemor nima bezovta qilayotgani, isitmasi, qon bosimi haqidagi ma’lumotni yoki shifokorni qiziqtirgan boshqa axborotni bersa, vrachda xastalik haqida dastlabki tasavvur uyg‘onib, ba’zi diagnostika natijalari (UTD, tomografiya, EKG) bilan ma’lum vaqtda klinikaga kelishi bo‘yicha ko‘rsatma oladi.”
Shu orqali shifokorlar hattoki o‘z mijozlari oqimini boshqarish imkoniyatiga ham ega bo‘ladi. Ovoragarchiliklarga ham yo‘l qo‘yilmaydi.
Konfidensiallik va tibbiy madaniyat
“Bugun dunyoda, shu jumladan O‘zbekistonda texnologiyalar juda rivojlangan. Borgan sari internet foydalnuvchilari soni ortmoqda. Bu esa bizning sohamizda ham yangi imkoniyatlarga yo‘l ochishi mumkin. AskDoctor bunga yaqqol misol, — deydi shifokor Qobiljon Ergashev. — Bizda mentalitet tufayli hamma ham jinsiy salomatlikka oid savolini ochiqchasiga so‘ray olmaydi. Mobil ilova orqali konfidensial shaxsiy xabarlar mumkin bo‘lgani uchun ana shu to‘siqqa barham beriladi. Misol uchun, shu paytgacha menga jinsiy yo‘l bilan yuquvchi kasalliklar, ularning oldini olish va davolash, bepushtlik va bizning regionga xos buyrak tosh kasalliklari bo‘yicha murojaatlar keldi. Ularga professional javoblar berib kelmoqdamiz.”
Inson o‘z salomatligiga daxldor to‘g‘ri va ishonchli ma’lumot olishga haqli. Bu loyiha nafaqat bemorlar uchun qo‘l keladi. Balki u har kimga o‘z tibbiy savodxonligini oshirish imkoniyatini yaratadi.
Sifatli tibbiy xizmatlar sari
Smartfoningiz mobil ilovalari ro‘yxatidan AskDoctor o‘rin olgach, shifokorlarning sizga onlayn ravishda ko‘rsatgan xizmatlariga qarab, ularga baho berishingiz mumkin. Foydasi tegsa, ko‘proq yulduz, qoniqmasangiz kamroq. “Tez orada shifokorlar o‘rtasida yulduzlar uchun kurash oshgani sari, ular ko‘proq o‘z ustida ishlaydi, izlanadi, bu esa yurtimizda tibbiyot sohasi yanada rivojlanishiga turtki bo‘ladi”, — deydi loyiha tashkilotchilari. Shuningdek, loyiha jamoasi foydalanuvchilar uchun yana bir qulaylik yaratish ustida ishlayapti. Tez kunda shifokor va bemor o‘rtasida mobil ilova orqali videoaloqa ishga tushishi ham va’da qilinmoqda.
1. AskDoctor.uz sayti: www.askdoctor.uz2. Apple Store: http://bit.ly/askdoctor-for-ios3. Google/Play Market: http://bit.ly/askdoctor-for-android4. Facebook: http://bit.ly/askdoctor-in-facebook5. Telegram: https://telegram.me/askdoctor6. Instagram: @askdoctoruz
Reklama huquqi asosida
Izoh (0)