AQShning O‘zbekistondagi elchixonasi Shavkat Mirziyoyevni tabrikladi. Qutlov matni elchixonaning Facebook’dagi sahifasida keltirildi.
Unda, jumladan, shunday deyiladi:
“Toshkentdagi AQSh elchixonasi O‘zbekiston Respublikasi Prezidenti lavozimini rasman egallagan Shavkat Mirziyoyevni muborakbod etadi.
1991-yildagi mustaqillikdan buyon Amerika Qo‘shma Shtatlari O‘zbekistonning asosiy hamkorlaridan biri bo‘lib kelmoqda. Mamlakat suvereniteteti, barqarorligi va mustaqilligini qo‘llab-quvvatlashda davom etar ekanmiz, biz barcha sohalarda yanada chuqurroq hamkorlikni rivojlantirish tarafdorimiz. Bu sohalar qatoriga siyosiy aloqalar, iqtisodiy va savdo munosabatlarni rivojlantirish, inson huquqlari bo‘yicha hamkorlik hamda ikki mamlakat xalqlari o‘rtasida bevosita munosabatlarni mustahkamlash kiradi.
Shuningdek, biz O‘zbekistonni mintaqaviy xavfsizlik, mintaqaviy aloqalar hamda farovonlikka qaratilgan sa’y-harakatlarini davom ettirishga chaqiramiz”.
Eslatib o‘tamiz, oldinroq AQSh Davlat departamenti Shavkat Mirziyoyevni O‘zbekiston Prezidenti lavozimiga saylangani bilan tabriklagandi.
Izoh (0)