«AskDoctor лойиҳаси ҳақида Facebook орқали хабар топдим. Лойиҳанинг ижтимоий тармоқдаги саҳифасини кузатиб, саломатлигимиз тўғрисида кўп маълумотлар олдим. Кейин смартфонимга AskDoctor мобил иловасини юклаб олдим, — дейди Анвар Муратов. — Белим оғриганда иловадаги шифокорлардан бирига мурожаат қилганимда, шикоятим билан батафсил танишган мутахассис фойдали тавсиялар берди».
Фойдаланувчининг айтишича, саломатлигига эътиборли ҳар қандай инсонни бефарқ қолдирмайдиган AskDoctor мобил иловаси соғлиқ билан бирор муаммо пайдо бўлганда қайси шифокор ва қайси шифохонага боришни аниқлаш учун зўр имконият. Ундан ташқари, касалликлар олдини олиш ва соғлом ҳаёт кечириш учун ҳам малакали мутахассислардан беғараз маслаҳатлар олиш мумкин.
Яхши шифокор керак бўлса
Бирор еримиз безовта қилса, яхши шифокор қидириб қоламиз. Янги лойиҳа шарофати билан энди Ўзбекистоннинг энг нуфузли клиникалари, улар ҳақидаги сўнгги янгиликлар ва тажрибали шифокорлар ҳақидаги очиқ маълумотлар базаси мавжуд! Шунингдек, жамоатчилик фикри, фойдаланувчиларнинг баҳолари асосида шаклланадиган рейтинг сизга яхши доктор топишда ишончли йўлбошчи бўлади. Ўнлаб клиникалар, барча мутахассисликлар бўйича 100 дан зиёд мутахассис. Уларни кўриб чиқиш учун AskDoctor.uz сайтига кириш ёки шу номдаги махсус мобил иловани AppStore/Playmarket интернет дўконидан бепул юклаб олиш кифоя.
Шифокор қабулига навбат кутиш — энди ўтмиш
Яхши шифокорлар, улар қаерда таҳсил олгани, иш фаолияти ва эришган ютуқлари ҳақидаги тўлиқ маълумотни олишдан ташқари сиз у шифокорларга тўғридан-тўғри мурожаат қилишингиз мумкин. «Саломатлигидан шикояти бўлган инсон бирор шифокорга кўринмоқчи бўлса, маълум вақт унинг қабулига навбатда туради. Кўп ҳолатларда шифокор муаммо билан беш-ўн дақиқа танишгач, ультратовуш диагностикаси, қон таҳлили натижаларини олиб келишини айтади. Қарабсизки, бемор кўрик вақтидан кўра кўпроқ муддат навбатда туради, — дея тушунтиради AskDoctor лойиҳаси ташкилотчилари. — AskDoctor ёрдамида бемор нима безовта қилаётгани, иситмаси, қон босими ҳақидаги маълумотни ёки шифокорни қизиқтирган бошқа ахборотни берса, врачда хасталик ҳақида дастлабки тасаввур уйғониб, баъзи диагностика натижалари (УТД, томография, ЭКГ) билан маълум вақтда клиникага келиши бўйича кўрсатма олади.»
Шу орқали шифокорлар ҳаттоки ўз мижозлари оқимини бошқариш имкониятига ҳам эга бўлади. Оворагарчиликларга ҳам йўл қўйилмайди.
Конфиденсиаллик ва тиббий маданият
«Бугун дунёда, шу жумладан Ўзбекистонда технологиялар жуда ривожланган. Борган сари интернет фойдалнувчилари сони ортмоқда. Бу эса бизнинг соҳамизда ҳам янги имкониятларга йўл очиши мумкин. AskDoctor бунга яққол мисол, — дейди шифокор Қобилжон Эргашев. — Бизда менталитет туфайли ҳамма ҳам жинсий саломатликка оид саволини очиқчасига сўрай олмайди. Мобил илова орқали конфиденсиал шахсий хабарлар мумкин бўлгани учун ана шу тўсиққа барҳам берилади. Мисол учун, шу пайтгача менга жинсий йўл билан юқувчи касалликлар, уларнинг олдини олиш ва даволаш, бепуштлик ва бизнинг регионга хос буйрак тош касалликлари бўйича мурожаатлар келди. Уларга профессионал жавоблар бериб келмоқдамиз.»
Инсон ўз саломатлигига дахлдор тўғри ва ишончли маълумот олишга ҳақли. Бу лойиҳа нафақат беморлар учун қўл келади. Балки у ҳар кимга ўз тиббий саводхонлигини ошириш имкониятини яратади.
Сифатли тиббий хизматлар сари
Смартфонингиз мобил иловалари рўйхатидан AskDoctor ўрин олгач, шифокорларнинг сизга онлайн равишда кўрсатган хизматларига қараб, уларга баҳо беришингиз мумкин. Фойдаси тегса, кўпроқ юлдуз, қониқмасангиз камроқ. «Тез орада шифокорлар ўртасида юлдузлар учун кураш ошгани сари, улар кўпроқ ўз устида ишлайди, изланади, бу эса юртимизда тиббиёт соҳаси янада ривожланишига туртки бўлади», — дейди лойиҳа ташкилотчилари. Шунингдек, лойиҳа жамоаси фойдаланувчилар учун яна бир қулайлик яратиш устида ишлаяпти. Тез кунда шифокор ва бемор ўртасида мобил илова орқали видеоалоқа ишга тушиши ҳам ваъда қилинмоқда.
1. AskDoctor.uz сайти: www.askdoctor.uz2. Apple Store: http://bit.ly/askdoctor-for-ios3. Google/Play Market: http://bit.ly/askdoctor-for-android4. Facebook: http://bit.ly/askdoctor-in-facebook5. Telegram: https://telegram.me/askdoctor6. Instagram: @askdoctoruz
Реклама ҳуқуқи асосида
Изоҳ (0)