Xitoyning 24 shahri, jumladan, Pekin va Tyanszinda smog tufayli xavfning eng yuqori — “qizil” darajasi e’lon qilindi. Bu haqda “Interfaks” xabar bermoqda.
Yo‘llarda avtotransport harakati cheklandi, qurilish ishlari to‘xtatildi, maktab va bolalar bog‘chalari yopildi. Fuqarolarga ko‘chaga chiqmaslik tavsiya etildi.
Pekinda qattiq zarralarning bir kub metr havodagi zichligi 350 mikrogrammga yetmoqda, bu me’yordan 10 barobardan ko‘proq. Shuningdek, Xebey, Xenan, Shansi va Shandun provinsiyalarida ham havoning kuchli darajada ifloslanganligi kuzatilgan.
Smog kelgusi hafta payshanbasigacha turishi, shundan so‘ng sovuq shamol yordamida tarqalib ketishi kutilmoqda.
Izoh (0)