Хитойнинг 24 шаҳри, жумладан, Пекин ва Тяньцзинда смог туфайли хавфнинг энг юқори — «қизил» даражаси эълон қилинди. Бу ҳақда «Интерфакс» хабар бермоқда.
Йўлларда автотранспорт ҳаракати чекланди, қурилиш ишлари тўхтатилди, мактаб ва болалар боғчалари ёпилди. Фуқароларга кўчага чиқмаслик тавсия этилди.
Пекинда қаттиқ зарраларнинг бир куб метр ҳаводаги зичлиги 350 микрограммга етмоқда, бу меъёрдан 10 баробардан кўпроқ. Шунингдек, Хэбэй, Хэнань, Шаньси ва Шаньдун провинцияларида ҳам ҳавонинг кучли даражада ифлосланганлиги кузатилган.
Смог келгуси ҳафта пайшанбасигача туриши, шундан сўнг совуқ шамол ёрдамида тарқалиб кетиши кутилмоқда.
Изоҳ (0)