Venesuela prezidenti Nikolas Maduro nominali 100 bolivarga teng eng yirik kupyurani muomaladan chiqarishni keyinga qoldirishga qaror qildi, deb yozadi “Interfaks”. U ushbu qarorni mamlakatni qamrab olgan iqtisodiy tartibsizlik bilan izohladi. Maduro vaziyatni “xalqaro sabotaj” natijasi deb atadi.
Banknotalarni 2-yanvargacha ishlatishga ruxsat berildi, dastlab esa ularni 20-dekabr, seshanba kuni shu qiymatdagi tangalarga almashtirish rejalashtirilgan edi. Buni faqat mamlakatning markaziy bankida amalga oshirish mumkin. Uning bo‘linmalarida katta navbatlar yuzaga keldi, chunki aholining uchdan bir qismidan ko‘prog‘ida faqat naqd pul bor, shuning uchun, agar ular kupyuralarni tangalarga almashtirishga ulgurmasa, ishlab topilgan pullar yo‘qqa chiqadi.
Minglab do‘konlar mablag‘lar yetishmasligi tufayli yopildi, odamlar bir necha kundan buyon oziq-ovqat sotib ololmadi. Natijada mamlakat sharqida ommaviy tartibsizliklar, bosqinchiliklar va qirg‘inlar boshlandi, politsiya kuch ishlatishiga to‘g‘ri keldi.
Izoh (0)