“Shanxay SIPG” Oskar uchun “Chelsi”ga 72 million, futbolchining o‘ziga esa haftasiga 477 ming yevro va’da qildi

Xitoyning “Shanxay SIPG” futbol klubi braziliyalik Oskarni dunyoda eng katta maosh oluvchi futbolchiga aylantirmoqchi. Bu haqda “Yevrosport” sayti Daily Mail nashriga asoslanib xabar berdi.

Va’daga ko‘ra, Xitoy klubi Oskarni haftasiga 477 ming yevrolik maosh bilan siylamoqchi. Solishtirish uchun, 4 ta “Oltin to‘p” egasi Krishtianu Ronaldu va 5 ta “Oltin to‘p”ga ega chiqqan Lionel Messi kabi futbolchilar haftasiga 435 ming ishlab topadi.

Eng katta maoshli futbolchilar reytingida keyingi o‘rin haftasiga 413 ming yevrosi bor bo‘lgan Garet Beylga tegishli. “Shanxay SIPG” safida to‘p suradigan Xalk esa 378 ming yevro ishlab topadi.

1. Oscar £400,000
2. Messi, Ronaldo, £365,000
5. Hulk £317,000https://t.co/gVbkknGKmm

— Mail Sport (@MailSport) December 16, 2016

“Chelsi” Oskarni sotishga rozi bo‘lsa, hisob-raqamini 72 million yevroga boyitib oladi. Avvalroq “Xebey Chayna Forchun” klubi “Arsenal”dan Aleksis Sanchesni 46,6 millionga sotib olishi mumkinligi ma’lum qilingandi.