«Шанхай SIPG» Оскар учун «Челси»га 72 миллион, футболчининг ўзига эса ҳафтасига 477 минг евро ваъда қилди

Хитойнинг «Шанхай SIPG» футбол клуби бразилиялик Оскарни дунёда энг катта маош олувчи футболчига айлантирмоқчи. Бу ҳақда «Евроспорт» сайти Daily Mail нашрига асосланиб хабар берди.

Ваъдага кўра, Хитой клуби Оскарни ҳафтасига 477 минг евролик маош билан сийламоқчи. Солиштириш учун, 4 та «Олтин тўп» эгаси Криштиану Роналду ва 5 та «Олтин тўп»га эга чиққан Лионель Месси каби футболчилар ҳафтасига 435 минг ишлаб топади.

Энг катта маошли футболчилар рейтингида кейинги ўрин ҳафтасига 413 минг евроси бор бўлган Гарет Бэйлга тегишли. «Шанхай SIPG» сафида тўп сурадиган Халк эса 378 минг евро ишлаб топади.

1. Oscar £400,000
2. Messi, Ronaldo, £365,000
5. Hulk £317,000https://t.co/gVbkknGKmm

— Mail Sport (@MailSport) December 16, 2016

«Челси» Оскарни сотишга рози бўлса, ҳисоб-рақамини 72 миллион еврога бойитиб олади. Аввалроқ «Хебей Чайна Форчун» клуби «Арсенал»дан Алексис Санчесни 46,6 миллионга сотиб олиши мумкинлиги маълум қилинганди.