Xiaomi Mi Pad 3 planshetining suratlari va xususiyatlari taqdimotdan oldin oshkor etildi, deb yozadi “Hi-tech.mail.ru”. Ta’kidlanishicha, gadjet juda baquvvat bo‘lib, noutbuk o‘rnini bemalol bosa oladi.
Yangi Mi Pad 3 yettinchi avlod Intel Core M chipseti, 8 Gb tezkor xotirani o‘z ichiga oladi, ekrani esa yanada kattalashdi (9,7 dyuym, 2048×1536 piksel). Ikki xil modifikatsiya bo‘ladi, ular 128 va 256 gigabaytlik ichki xotira bilan farqlanadi.
Shuningdek, qurilma 16 megapikselli asosiy va 8 megapikselli old kamera, 8290 mA/soat sig‘imli akkumulyator bilan jihozlangan.
128 Gb xotirali Xiaomi Mi Pad 3 1999 yuan (taxminan 287 dollar), 256 Gb versiyasi esa 2299 yuan (330 dollar)dan sotiladi. Planshetning rasmiy taqdimoti taxminan 30-dekabr kuni bo‘lib o‘tadi.
Izoh (0)