Facebook televizion kompaniyalar va boshqa video ishlab chiqaruvchilar bilan ijtimoiy tarmoqqa joylash uchun kontentni litsenziyalash haqida kelishib olish niyati haqida ma’lum qildi, deb yozadi TJournal. Shuningdek, kompaniya o‘z ssenariylari bo‘yicha sport va o‘yin shoularini chiqarmoqchi.
Facebook’ning muzokaralar olib borish rejalari haqida CollegeHumor komediyali videoservisi yaratuvchisi Riki Van Vina gapirib berdi, u kompaniyaga 2016-yil iyulida global strategiya rahbari sifatida qo‘shilgan edi.
“Yil boshida biz saytning alohida bo‘limida ‘Video’ ruknini rivojlantirishni boshladik. Bizning maqsadimiz — sheriklarimiz bilan hamkorlikda kontent ishlab chiqarish tizimini yo‘lga qo‘yish, shu sababli biz litsenziyalangan ssenariy bo‘yicha original roliklar yaratuvchilariga moliyaviy sarmoya kiritishni ko‘rib chiqmoqdamiz”, — dedi u.
Recode nashri manbalariga ko‘ra, kompaniya shoular uchun innovatsion va eksperimental formatlarga qiziqmoqda. Shuningdek, ularning qo‘shimcha qilishicha, Facebook Amazon va Netflix kabi qimmatbaho serial va filmlarga sarmoya kiritmaydi.
Izoh (0)