O‘ta kam energiya sarf qiluvchi passiv Wi-Fi yaratildi

Vashington universiteti mutaxassislari Wi-Fi uzatkichlar energiya iste’molini 10 ming marta qisqartiradigan texnologiyani ishlab chiqdi, deb yozadi “Hi-tech.mail.ru”. Bunday rekord ko‘rsatkichga raqamli va analogli operatsiyalarni ajratgan holda erishishdi.

Wi-Fi qurilmalarning nisbatan yuqori energiya iste’moliga analogli operatsiyalar sababchidir. Va agar uy routerida qo‘shimcha energiya iste’moli sezilmasa, unda smartfonda Wi-Fi akkumulyator quvvatining asosiy “yemiruvchisi” hisoblanadi, yirik tarmoqli infratuzilmalarda ham bunga ko‘p energiya sarflanadi.

Passiv Wi-Fi uzatkichda raqamli va analogli operatsiyalarga turli modullar tomonidan ishlov beriladi. Alohida analogli uzatkich signalni uzatadi, u so‘ngra yutiladi va ancha kam quvvatda ishlaydigan raqamli o‘tkazgichlardan foydalangan holda aks etttiriladi va standart paketlar ko‘rinishida uzatiladi.

Passiv komponentlar signalni aks ettiradi, ammo energiya sarf qilmaydi.

Tadqiqotchilar ta’kidlashicha, passiv Wi-Fi faoliga qaraganda 10 ming marta kamroq energiya talab qiladi. Bundan tashqari, uning energiya sarfi Bluetooth LE yoki ZigBee’larga nisbatan ming marta kamroq.