NASA Stargazer L-1011 samolyoti yordamida orbitaga kosmik qurilmalar ortilgan qanotli raketani uchirdi, deb yozadi “Korrespondent.net”. Start Kanaveral burnida Toshkent vaqti bilan 15-dekabr kuni 17:35 da bo‘lib o‘tdi.
O‘z ichiga sakkizta kichik yo‘ldoshni olgan CYGNSS tizimi bo‘ron va dovullar chog‘ida okeanlar yuzasi ustidagi shamol tezligini o‘lchash uchun mo‘ljallangan. Olingan ma’lumotlar mutaxassislarga yer okeanlari va havo massalarining dovullar markazidagi o‘zaro ta’sirini o‘rganib, ularning shakllanishi va harakatini tushunish imkonini beradi.
Pegasus raketasi xususiy kompaniya tomonidan ishlab chiqilgan bo‘lib, yerga yaqin orbitaga tijorat sun’iy yo‘ldoshlarini uchirish uchun mo‘ljallangan dunyodagi birinchi qanotli raketadir.
Izoh (0)