Facebook телевизион компаниялар ва бошқа видео ишлаб чиқарувчилар билан ижтимоий тармоққа жойлаш учун контентни лицензиялаш ҳақида келишиб олиш нияти ҳақида маълум қилди, деб ёзади TJournal. Шунингдек, компания ўз сценарийлари бўйича спорт ва ўйин шоуларини чиқармоқчи.
Facebook’нинг музокаралар олиб бориш режалари ҳақида CollegeHumor комедияли видеосервиси яратувчиси Рики Ван Вина гапириб берди, у компанияга 2016 йил июлида глобал стратегия раҳбари сифатида қўшилган эди.
«Йил бошида биз сайтнинг алоҳида бўлимида ‘Видео’ рукнини ривожлантиришни бошладик. Бизнинг мақсадимиз — шерикларимиз билан ҳамкорликда контент ишлаб чиқариш тизимини йўлга қўйиш, шу сабабли биз лицензияланган сценарий бўйича оригинал роликлар яратувчиларига молиявий сармоя киритишни кўриб чиқмоқдамиз», — деди у.
Recode нашри манбаларига кўра, компания шоулар учун инновацион ва экспериментал форматларга қизиқмоқда. Шунингдек, уларнинг қўшимча қилишича, Facebook Amazon ва Netflix каби қимматбаҳо сериал ва фильмларга сармоя киритмайди.
Изоҳ (0)