Bugun — 13-dekabr kuni Qatar poytaxti Dohada Qatar Airways Cup Match of Champions doirasida Saudiya Arabistoni chempioni “Al-Ahli” va Ispaniya chempioni “Barselona” o‘zaro kuch sinashadi.
“Championat.asia” ma’lumotiga ko‘ra, “Al-Ahli” futbol klubi aslida Saudiyada tug‘ilgan, lekin BAA terma jamoasi uchun maydonga tushadigan Umar Abdulrahmonni bitta o‘yin uchun “Al-Ayn” klubidan ijaraga olgan. O‘z jamoasini Osiyo Chempionlar Ligasining finaliga qadar olib chiqqan Umar Abdulrahmon endi “Barsa” yetakchilariga qarshi o‘yinda ishtirok etadi.
“Barselona” bunga qadar Saudiya klubiga qarshi birorta ham o‘yinda maydonga tushmagan. Umuman arab jamoalariga qarshi esa 6 ta o‘yinda ishtirok etgan. Shularning faqatgina 1 tasida Kuvaytning “Kazma Sporting” klubini taslim qila olmagan — 1:1. Qolgan barchasida Kataloniya klubi g‘olib chiqqan.
Saudiya Arabistoni klubiga qarshi o‘yin uchun Luis Enrike asosiy futbolchilari bilan tashrif buyurgan:
Ter Shtegen, Sillessen, Masip, Xerard Pike, Ivan Rakitich, Serxio Buskets, Denis Suares, Arda Turan, Andreas Inyesta, Luis Suares, Lionel Messi, Neymar, Rafinya, Xavyer Maskerano, Pako Alkaser, Xordi Alba, Lyuka Din, Serxi Roberto, Andre Gomesh, Aleyks Vidal, Yumtiti, Alena, Borxa Lopes.
Izoh (0)