“Obod” klubi boshlig‘i: Mirjalol Qosimov biz bilan ishlasa boshimiz osmonga yetadi

Futbol bo‘yicha O‘zbekiston Oliy Ligasidagi debyut mavsumini 14-o‘rinda yakunlagan va elitadagi o‘rnini saqlab qolgan Toshkentning “Obod” klubi Mirjalol Qosimov tashrifi borasidagi savolga oydinlik kiritdi. Klub boshlig‘i Farhod Safarovning bu boradagi javobi “Championat.asia” saytida e’lon qilindi.

“Mirjalol Qosimovdek murabbiy jamoamizga kelsa, boshimiz osmonga yetardi. Biroq bu gapni birinchi bor sizdan eshitib turibman”, — deb gap boshladi Safarov.

“Qandaydir yangilik bo‘lsa, saytimiz orqali bilib olasiz. Chempionatni endigina tugatdik. Qaytarab aytaman, bunday insonlar klubimizda ishlasa, biz juda xursand bo‘lamiz”.

Avvalroq Mirjalol Qosimovning dekabr oyida O‘zbekiston klublaridan birini qabul qilib olishi borasida xabar paydo bo‘lgandi.