Yevropa Chempionlar Ligasi “C” guruhining 5-turida “Barselona” Shotlandiyada zafar quchib, 6-tur natijasi qanday bo‘lishiga qaramay 1-o‘rinni naqdlashtirib qo‘ydi.
Bellashuvda Lionel Messi dubl qayd etdi. Shu tariqa “Manchester Siti” ustozi Xosep Gvardiola sobiq jamoasini quvib yeta olmaydigan bo‘ldi.
“Manchester Siti”ning o‘zi Myonxengladbaxda 2 ochko boy berdi. Shunga qaramay, pley-off masalasini hal qildi. Manchester shahrida kechgan ilk o‘yinda 4:0 hisobida zafar quchgani uchun ham “Siti” 6-turni bemalol o‘tkazishi mumkin.
“Borussiya” 6-turda mag‘lub bo‘lsa ham, Yevropa Ligasiga yo‘llanma oladi. “Seltik”ka qarshi o‘zaro o‘yinlardagi ustunlik Bundesliga klubiga shunday huquqni beradi.
Yevropa Chempionlar Ligasi “C” guruhi. 5-tur 23-noyabr, chorshanba
“Borussiya Myonxengladbax” — “Manchester Siti” 1:1
Gollar: Raffael, 23 (1:0). David Silva, 45+1 (1:1).Chetlatishlar: Lars Shtindl, 51 (B). Fernandinyo, 63 (M).“Seltik” — “Barselona” 0:2
Gollar: Lionel Messi, 24 (0:1). Lionel Messi, 55-pen (0:2).
Izoh (0)