Myunxenning “Bavariya” klubining angliyalik hujumchisi Harri Keyn Chempionlar Ligasining yangi mavsumi hamda musobaqada g‘alaba qozonishi mumkin bo‘lgan jamoalar haqida fikr bildirdi.
O‘ylashimcha, bu Chempionlar Ligasi avvalgilaridan unchalik farq qilmaydi. Biz ham favoritlar qatoridamiz. Shuningdek, “PSJ”, “Real Madrid”, “Barselona”, “Manchester Siti” va “Liverpul” ham asosiy da’vogarlar qatorida bo‘ladi. Katta jamoalarning hammasi bu kubok uchun kurashadi, — dedi Harri Keyn jurnalistlar bilan suhbatda.
Eslatib o‘tamiz, o‘tgan mavsumda “Bavariya” chorak finalgacha yetib borgandi, biroq myunxenliklar ikki o‘yindan iborat bahs natijasiga ko‘ra, “Inter” (1:2, 2:2) ga imkoniyatni boy bergan.
Musobaqaning amaldagi g‘olibi “PSJ” hisoblanadi. Parijliklar hal qiluvchi bahsda “Inter”ni 5:0 hisobida mag‘lubiyatga uchratib, bosh sovringa ega chiqqan.
Chempionlar Ligasining yangi mavsumi 16-sentyabr kuni boshlanadi.
Izoh (0)