O‘zbekistonda bo‘lib o‘tadigan Prezident saylovi xalqaro hamjamiyat diqqat markazida bo‘lib, ijtimoiy-siyosiy, ekspert-tahliliy, ilmiy-akademik doiralarda va ommaviy axborot vositalarida keng muhokama qilinmoqda. “Jahon” axborot agentligi mazkur muhokamalarga e’tibor qaratdi.
Sunya Choy , Inha universiteti prezidenti (Koreya Respublikasi):
“Prezident saylovida butun dunyodan kuzatuvchilarning ishtirok etishi bo‘lib o‘tadigan muhim siyosiy tadbirning xalqaro me’yorlarga to‘la mos holda o‘tkazilishidan dalolat beradi va O‘zbekistonda saylov jarayonlarining ochiqligi va shaffofligini yana bir bor namoyish etadi.
Asosi O‘zbekistonning Birinchi Prezidenti Islom Karimov tomonidan yaratilgan ikki tomonlama hamkorlik darajasining yuqoriligini hisobga olib, dekabr oyida bo‘lib o‘tadigan saylovdan keyin ham mamlakatlarimiz o‘rtasidagi barcha sohalardagi munosabatlar yanada chuqurlashishiga ishonaman”.
Ramachandran Rajendran, TOR 10 jurnali asoschisi va bosh ijrochi direktori (Malayziya):
“O‘zbekistonda aholini, ayniqsa yosh avlodni milliy saylov qonunchiligi bilan tanishtirish borasida keng ko‘lamli ishlar amalga oshirilmoqda.
Mamlakatda demokratik talablarga to‘la javob beruvchi zamonaviy saylov tizimi yaratilgan, samarali, xalqaro saylov me’yorlari va tamoyillariga mos keladigan, fuqarolarning xohish-irodalarini erkin ifoda etishini ta’minlaydigan saylovlarning qonuniy asoslari shakllantirilgan.
Ushbu muhim va mas’uliyatli pallada o‘zbek xalqining jipslashganligi Prezident saylovi ovoz beruvchilarning yuksak faolligi, oshkoralik, ochiqlik va transparentlik tamoyillariga mos holda muvaffaqiyatli o‘tadi, degan xulosaga kelish imkoniyatini beradi”.
Izoh (0)