Ўзбекистонда бўлиб ўтадиган Президент сайлови халқаро ҳамжамият диққат марказида бўлиб, ижтимоий-сиёсий, эксперт-таҳлилий, илмий-академик доираларда ва оммавий ахборот воситаларида кенг муҳокама қилинмоқда. «Жаҳон» ахборот агентлиги мазкур муҳокамаларга эътибор қаратди.
Суня Чой , Инҳа университети президенти (Корея Республикаси):
«Президент сайловида бутун дунёдан кузатувчиларнинг иштирок этиши бўлиб ўтадиган муҳим сиёсий тадбирнинг халқаро меъёрларга тўла мос ҳолда ўтказилишидан далолат беради ва Ўзбекистонда сайлов жараёнларининг очиқлиги ва шаффофлигини яна бир бор намойиш этади.
Асоси Ўзбекистоннинг Биринчи Президенти Ислом Каримов томонидан яратилган икки томонлама ҳамкорлик даражасининг юқорилигини ҳисобга олиб, декабрь ойида бўлиб ўтадиган сайловдан кейин ҳам мамлакатларимиз ўртасидаги барча соҳалардаги муносабатлар янада чуқурлашишига ишонаман».
Рамачандран Ражендран, TOR 10 журнали асосчиси ва бош ижрочи директори (Малайзия):
«Ўзбекистонда аҳолини, айниқса ёш авлодни миллий сайлов қонунчилиги билан таништириш борасида кенг кўламли ишлар амалга оширилмоқда.
Мамлакатда демократик талабларга тўла жавоб берувчи замонавий сайлов тизими яратилган, самарали, халқаро сайлов меъёрлари ва тамойилларига мос келадиган, фуқароларнинг хоҳиш-иродаларини эркин ифода этишини таъминлайдиган сайловларнинг қонуний асослари шакллантирилган.
Ушбу муҳим ва масъулиятли паллада ўзбек халқининг жипслашганлиги Президент сайлови овоз берувчиларнинг юксак фаоллиги, ошкоралик, очиқлик ва транспарентлик тамойилларига мос ҳолда муваффақиятли ўтади, деган хулосага келиш имкониятини беради».
Изоҳ (0)