2016-yil 3-noyabrda Adliya vazirligi tomonidan yagona ijtimoiy to‘lovni taqsimlash, shuningdek xarajatlarni qoplash bo‘yicha summalarning to‘lanishini hamda tashkilotlar tomonidan pensiya, nafaqa va boshqa to‘lovlar uchun xarajatlar amalga oshirilishi tartibi to‘g‘risidagi Nizom huquqiy ekspertiza va davlat ro‘yxatidan o‘tkazildi. Bu haqda O‘zbekiston Respublikasi Moliya vazirligi huzuridagi byudjetdan tashqari Pensiya jamg‘armasi rasmiy sayti xabar berdi.
Joriy yilning noyabr oyidan boshlab yuridik shaxslar pensiya va nafaqa to‘lovlariga Pensiya jamg‘armasidan mablag‘ olish uchun talabnomalarni elektron hujjat talablariga rioya etgan holda elektron shaklda taqdim etishlari mumkin. (Elektron talabnomani to‘ldirish tartibi – yuklab olish)
Yuridik shaxslar o‘zlarining xodimlariga quyidagi to‘lovlarni amalga oshirishga mablag‘ olish uchun talabnomalar taqdim etiladi: ishlovchi pensionerlarga pensiya, bola tug‘ilganlik uchun nafaqa, vafot munosabati bilan nafaqa, uy-joy kommunal xizmatlari to‘lovi bo‘yicha imtiyozlar o‘rniga kompensatsiya to‘lovlari, 16 yoshgacha nogiron bola ota-onasining biriga qo‘shimcha dam olish kuni uchun to‘lovlar.
Ushbu xizmatdan O‘zbekiston Respublikasi davlat soliq qo‘mitasining “my.soliq.uz” sayti orqali foydalanish mumkin.
Ma’lumot xizmati — (371) 239-12-46 telefon raqami orqali.
Izoh (0)