Argentinalik hujumchi Lionel Messiga “Barselona” bilan shartnomani uzaytirmaslik uchun 100 million yevro taklif qilgan Angliyaning “Manchester Yunayted” klubi va uning texnik homiysi – Adidas kompaniyasi bo‘lib chiqdi. Bu haqda “TASS” xabar bermoqda.
Avvalroq noma’lum klub 29 yoshli futbolchiga uning kataloniyaliklar bilan 2018-yilning yoziga qadar mo‘ljallangan kelishuvini uzaytirmaslik uchun 100 million yevro taklif qilgani haqida xabar berilgandi.
Adidas “MYu”ning salbiy natijalaridan xavotirda, shu sababli nemis kompaniyasi mankunianlarga Messini sotib olishga yordam berishga qaror qildi.
Argentinalik futbolchi Adidas bilan shartnomasiga ko‘ra nemis kompaniyasidan turli bonuslar oladi. Kompaniya Messini “Barselona” bilan shartnomasini uzaytirmaslikka ko‘ndirib, shu orqali 250 million yevroga teng tovon pulini yo‘q qilishga urinib ko‘rmoqchi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)