Аргентиналик ҳужумчи Лионель Мессига «Барселона» билан шартномани узайтирмаслик учун 100 миллион евро таклиф қилган Англиянинг «Манчестер Юнайтед» клуби ва унинг техник ҳомийси – Adidas компанияси бўлиб чиқди. Бу ҳақда «ТАСС» хабар бермоқда.
Аввалроқ номаълум клуб 29 ёшли футболчига унинг каталонияликлар билан 2018 йилнинг ёзига қадар мўлжалланган келишувини узайтирмаслик учун 100 миллион евро таклиф қилгани ҳақида хабар берилганди.
Adidas «МЮ»нинг салбий натижаларидан хавотирда, шу сабабли немис компанияси манкунианларга Мессини сотиб олишга ёрдам беришга қарор қилди.
Аргентиналик футболчи Adidas билан шартномасига кўра немис компаниясидан турли бонуслар олади. Компания Мессини «Барселона» билан шартномасини узайтирмасликка кўндириб, шу орқали 250 миллион еврога тенг товон пулини йўқ қилишга уриниб кўрмоқчи.Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)