Kanaveral burnidagi kosmodromdan Amerikaning GOES-R meteorologik sun’iy yo‘ldoshi ortilgan Atlas V raketasi uchib ketdi, deb yozadi “Korrespondent.net”. Parvoz Toshkent vaqti bilan 20-noyabr kuni 04:42 da amalga oshgan.
GOES-R geostatsionar yo‘ldoshi kosmik qurilmalarning yangi avlodidir. Uning meteorologiya jarayonlarini kuzatish bo‘yicha imkoniyatlari ancha zamonaviy va aniq prognozlar qilishda yordam beradi.
Qurilma NASA hamda AQShning okean va atmosfera muammolari bo‘yicha milliy boshqarmasi tomonidan ishlab chiqilgan. Uning orbitada ishlash muddati o‘n yilni tashkil qiladi.
Uchirilgan yo‘ldosh ushbu seriyadagi birinchisi hisoblanadi, u muttasil rejimda G‘arbiy yarim shardagi atmosfera holatini kuzatib boradi.
Izoh (0)