Janubiy Koreya prokurorlari mamlakat prezidenti Pak Kin Xening korrupsiya mojarosiga aralashib qolgan dugonasi Chxve Sun Silga rasman ayblov e’lon qildi, deb yozadi “RBK”.
Reuters ma’lumotlariga ko‘ra, ish doirasida prezidentning sobiq yordamchisi An Chjon Bomga ham ayblovlar e’lon qilingan. Pak Kin Xening o‘ziga esa ushbu ish bo‘yicha ayblov ilgari sura olishmayapti, chunki unda immunitet mavjud.
Chxve Sun Sil 3-noyabr kuni hibsga olingan edi. Prokuratura Pak Kin Xening yaqin dugonasini davlatni boshqarishda ishtirok etganlikda, aniqrog‘i, maxfiy hujjatlarni prezidentdan olib, so‘ng tasdiqlaganlikda gumon qildi.
Bundan tashqari, tergovchilar Chxve Sun Sil o‘zining Pak Kin Xe bilan aloqalaridan foydalanib, Janubiy Koreyaning yirik korporatsiyalarini unga aloqador fondlarga xayriya kiritishga majburlagan, deb taxmin qilmoqda.
Izoh (0)