Qirg‘iziston huquq-tartibot organlari xodimlari prankerlarning Ukraina prezidenti Pyotr Poroshenko bilan telefon suhbatini tashkillashtirishga aloqadorlikda gumon qilinayotgan respublika fuqarosini qo‘lga oldi, deb yozadi “RBK” Qirg‘iziston tashqi ishlar vazirligiga tayanib.
Gumonlanuvchi tergov ish bo‘yicha barcha vaziyatni aniqlashtirguniga qadar hibsda saqlanadi. Ikkala mamlakat tashqi siyosiy muassasalari rahbarlari hodisani birgalikda tekshirishga kelishib oldi, uning yakunlari Yevropada xavfsizlik va hamkorlik tashkilotining dekabr boshida Gamburgda bo‘lib o‘tadigan Tashqi ishlar vazirlari kengashi doirasida rejalashtirilgan ikki tomonlama uchrashuv chog‘ida ko‘rib chiqiladi.
Avvalroq Ukraina prezidenti matbuot kotibi Svyatoslav Segolko Poroshenkoning prankerlar bilan suhbatlashganini tasdiqlagan va bunday “o‘yin” Qirg‘iziston TIV xodimlari ishtirokisiz amalga oshmaganini taxmin qilgan edi.
Noyabr boshida Ukraina prezidentining rasmiy saytida Ukraina yetakchisi Qirg‘iziston prezidenti Almazbek Atambayev bilan telefon orqali suhbatlashgani haqida xabar paydo bo‘ldi, keyinroq u o‘chirib tashlandi.
Qirg‘iziston prezidenti apparati rahbari o‘rinbosari esa Qirg‘iziston prezidenti Poroshenko bilan telefon orqali muloqot qilmaganini aytib, Poroshenko prankerlar qurboniga aylanganini taxmin qildi.
16-noyabr kuni rossiyalik prankerlar YouTube’ga fayl joyladi, ularning da’vo qilishicha, unda ular Pyotr Poroshenko bilan Qirg‘iziston prezidenti nomidan suhbatlashgani aks etgan.
Izoh (0)