Apple o‘zining ikkita asosiy texnika yig‘uvchilari — Foxconn va Pegatron’dan ishlab chiqarishni AQSh hududiga ko‘chirish imkoniyatini ko‘rib chiqishni so‘radi, deb yozadi “Gazeta.ru”.
Nikkei nashrining manbasi xabariga ko‘ra, Apple Foxconn va Pegatron’dan iyun oyida iPhone ishlab chiqarishni AQSh hududiga ko‘chirish imkoniyatini ko‘rib chiqishni so‘ragan. Foxconn taklifga rozi bo‘lgan, Pegatron esa xarajatlar masalasi tufayli, bunday rejani amalga oshirishdan bosh tortgan.
Shuningdek, ta’kidlanishicha, Foxconn rahbari Terri Gou ushbu g‘oyaga nisbatan tashabbus ko‘rsatmayapti. Uning fikriga ko‘ra, yig‘ishning AQShga ko‘chirilishi qurilma narxini ikki barobar oshiradi.
AQShning yangi saylangan prezidenti Donald Tramp saylovoldi poygasi chog‘ida Apple’ning ishlab chiqarish korxonalarini AQShga ko‘chirishga majbur qilishini aytgan edi.
Izoh (0)