Xitoyda ishlab chiqarilgan smartfonlarga ulardan jo‘natilgan matnli xabarlarni har 72 soatda Xitoy serveriga qayta yuboradigan maxfiy dastur o‘rnatilgan bo‘lishi mumkin, deb yozadi “TASS” The New York Times gazetasiga tayanib.
“Xavfsizlik sohasidagi mutaxassislar yaqinda Android operatsion tizimi o‘rnatilgan ba’zi smartfonlarda foydalanuvchining joylashgan o‘rnini, uning kim bilan gaplashayotganini va matnli xabarlarda nimalarni yozayotganini kuzatib boradigan dasturni aniqladi, — deyiladi maqolada. — Amerikalik rasmiy shaxslar so‘zlariga ko‘ra, hozircha bu reklama maqsadida ma’lumotlarning maxfiy tarzda yig‘ilishi yoki Xitoy hukumati tomonidan razvedka ma’lumotlari to‘planishi ekanligi noma’lum”.
Ushbu maxfiy dasturni aniqlagan Amerikaning Kryptowire kompaniyasi fikricha, dastur “matnli xabarlarning to‘liq mazmunini, telefon raqamlari ro‘yxatini, qo‘ng‘iroqlar vaqti haqidagi ma’lumotlarni, foydalanuvchining joylashgan o‘rni va boshqa ma’lumotlarni Xitoy serveriga uzatadi”.
Izoh (0)