Tel-Avivda Isroil OAVlari vakillari uchun O‘zbekistondagi Prezidentlik sayloviga bag‘ishlangan matbuot forumi bo‘lib o‘tdi. Bu haqda “Jahon” axborot agentligi xabar bermoqda.
Uning qatnashchilari, jumladan, Jerusalem Post, “Yediot axronot”, “Gaarets”, “Vesti”, “Globus” gazetalari, “Kursor” axborot agentligi, Y.net va Banot elektron portallari jurnalistlari muhim siyosiy tadbirga tayyorgarlikning borishi, ovoz berish yuqori tashkiliy darajada, ochiqlik va shaffoflik muhitida o‘tishini ta’minlash uchun ko‘rilayotgan choralar bilan tanishdi.
— O‘zbekistonda jamiyatni demokratlashtirish, siyosiy tizimni liberallashtirishga qaratilgan islohotlar amalga oshirildi. Shu sababli Prezident saylovi Konstitutsiya va qonunlar doirasida ovoz beruvchilarning o‘z huquqidan emin-erkin foydalanishiga imkon yaratilgan holda o‘tkazilishiga shubha yo‘q, — deya ta’kidladi Jerusalem Post siyosiy sharhlovchisi Grir Fay Keshman.
— Prezident lavozimiga 4 partiya vakili da’vogarlik qilmoqda, ya’ni saylovchida tanlash uchun keng imkoniyat bor. Kuzatishlarimga ko‘ra, saylov kampaniyasi tashkillanishi va axborot bilan ta’minlanishi borasida barcha demokratik tamoyillarga mos keladi, — deydi “Reka” radiosi muharriri Liya Sodeks.
— O‘zbekistondagi bo‘lajak saylovlar bir necha sabablarga ko‘ra xalqaro hamjamiyatda katta qiziqish uyg‘otmoqda. Birinchidan, respublika Markaziy Osiyo mintaqasida o‘ta muhim o‘rin tutadi. Ikkinchidan, geosiyosiy, iqtisodiy va aholi nufuzi salohiyatiga ega. Uchinchidan, mamlakat o‘z rivojlanishining yangi bosqichiga o‘tmoqda, — deb hisoblamoqda “Yediot axronot” gazetasi xalqaro axborot bo‘limi muharriri Lior Gat.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)