Тель-Авивда Исроил ОАВлари вакиллари учун Ўзбекистондаги Президентлик сайловига бағишланган матбуот форуми бўлиб ўтди. Бу ҳақда «Жаҳон» ахборот агентлиги хабар бермоқда.
Унинг қатнашчилари, жумладан, Jerusalem Post, «Едиот ахронот», «Гаарец», «Вести», «Глобус» газеталари, «Курсор» ахборот агентлиги, Y.net ва Banot электрон порталлари журналистлари муҳим сиёсий тадбирга тайёргарликнинг бориши, овоз бериш юқори ташкилий даражада, очиқлик ва шаффофлик муҳитида ўтишини таъминлаш учун кўрилаётган чоралар билан танишди.
— Ўзбекистонда жамиятни демократлаштириш, сиёсий тизимни либераллаштиришга қаратилган ислоҳотлар амалга оширилди. Шу сабабли Президент сайлови Конституция ва қонунлар доирасида овоз берувчиларнинг ўз ҳуқуқидан эмин-эркин фойдаланишига имкон яратилган ҳолда ўтказилишига шубҳа йўқ, — дея таъкидлади Jerusalem Post сиёсий шарҳловчиси Грир Фай Кэшман.
— Президент лавозимига 4 партия вакили даъвогарлик қилмоқда, яъни сайловчида танлаш учун кенг имконият бор. Кузатишларимга кўра, сайлов кампанияси ташкилланиши ва ахборот билан таъминланиши борасида барча демократик тамойилларга мос келади, — дейди «Река» радиоси муҳаррири Лия Цодекс.
— Ўзбекистондаги бўлажак сайловлар бир неча сабабларга кўра халқаро ҳамжамиятда катта қизиқиш уйғотмоқда. Биринчидан, республика Марказий Осиё минтақасида ўта муҳим ўрин тутади. Иккинчидан, геосиёсий, иқтисодий ва аҳоли нуфузи салоҳиятига эга. Учинчидан, мамлакат ўз ривожланишининг янги босқичига ўтмоқда, — деб ҳисобламоқда «Едиот ахронот» газетаси халқаро ахборот бўлими муҳаррири Лиор Гат.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)