Shveysariyaning Casale SA kompaniyasi “Navoiyazot”da yillik quvvati 500 ming tonna azot kislotasi ishlab chiqarishni tashkil etish investitsion loyihasini realizatsiya qilishni boshladi, deb xabar beradi “Gazeta.uz”.
Yil boshida “Navoiyazot” bazasida polivinilxlorid, kaustik soda va metanol ishlab chiqarish bo‘yicha majmuasi qurilishi boshlandi. Xitoyning China CAMC Engineering va HQC Shanghai kompaniyalari konsorsiumi bilan sharnoma imzolandi. Majmuaning yillik quvvati 100 ming tonna polivinilxlorid, 75 ming tonna kaustik soda va 300 ming tonna metanolni tashkil etadi.
Yaponiyaning Mitsubishi Heavy Industries va Mitsubishi Corporation konsorsiumi “Navoiyazot”da ammiak va karbamidni ishlab chiqarish bo‘yicha yirik loyihani amalga oshiradi. Yaponiyalik pudratchilar bilan tuzilgan shartnomaga ko‘ra, bu yerda har yili 660 ming tonna ammiak va 577,5 ming tonna karbamid ishlab chiqarish ko‘zda tutilgan.
Yuqorida sanab o‘tilgan uch loyiha O‘zbekiston rekonstruksiya va taraqqiyot fondining uzoq muddatli imtiyozli kreditlari, xorij banklarining zayomlari va “Navoiyazot”ning o‘z mablag‘lari hisobiga moliyalashtiriladi. Ular ishlab chiqarishni 2019-yildan boshlashi rejalashtirilmoqda. Yangi korxonalarda 1300 dan ortiq ishchi o‘rinlari yaratiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)