Швейцариянинг Casake SA компанияси «Навоийазот»да йиллик қуввати 500 минг тонна азот кислотаси ишлаб чиқаришни ташкил этиш инвестицион лойиҳасини реализация қилишни бошлади, деб хабар беради «Газета.uz».
Йил бошида «Навоийазот» базасида поливинилхлорид, каустик сода ва метанол ишлаб чиқариш бўйича мажмуаси қурилиши бошланди. Хитойнинг China CAMC Engineering ва HQC Shanghai компаниялари консорциуми билан шарнома имзоланди. Мажмуанинг йиллик қуввати 100 минг тонна поливинилхлорид, 75 минг тонна каустик сода ва 300 минг тонна метанолни ташкил этади.
Япониянинг Mitsubishi Heavy Industries ва Mitsubishi Corporation консорциуми «Навоийазот»да аммиак ва карбамидни ишлаб чиқариш бўйича йирик лойиҳани амалга оширади. Япониялик пудратчилар билан тузилган шартномага кўра, бу ерда ҳар йили 660 минг тонна аммиак ва 577,5 минг тонна карбамид ишлаб чиқариш кўзда тутилган.
Юқорида санаб ўтилган уч лойиҳа Ўзбекистон реконструкция ва тараққиёт фондининг узоқ муддатли имтиёзли кредитлари, хориж банкларининг заёмлари ва «Навоийазот»нинг ўз маблағлари ҳисобига молиялаштирилади. Улар ишлаб чиқаришни 2019 йилдан бошлаши режалаштирилмоқда. Янги корхоналарда 1300 дан ортиқ ишчи ўринлари яратилади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)