Jizzax shahrida soniyasiga 24 metr tezlikdagi shamollar kuzatildi

O‘zbekistonda 13-noyabr kuni kunduzi va 14-noyabrga o‘tar kechasi yog‘ingarchilik kuzatilmadi. Bu haqda “O‘zgidromet” markazi xabar bermoqda.

Samarqand, Jizzax viloyatlarida shamolning tezligi soniyasiga 15—20 metrgacha kuchaydi. Xususan, Jizzax shahrida shamol tezligi soniyasiga 24 metrgacha yetdi.

13-noyabr kuni kunduzi O‘zbekistonning yirik shaharlari va viloyat markazlari havo haroratining eng yuqori ko‘rsatkichi quyidagicha bo‘ldi: Nukusda +14 daraja, Urganch, Navoiyda +15 daraja, Buxoroda +16 daraja, Andijon, Namangan, Farg‘onada +17 daraja, Samarqand, Qarshida +18 daraja, Termizda +19 daraja, Toshkent, Jizzaxda +20 daraja, Gulistonda +22 daraja iliq.

14-noyabrga o‘tar kechasi O‘zbekistonning yirik shaharlari va viloyat markazlari havo haroratining eng past ko‘rsatkichi quyidagicha bo‘ldi: Buxoro, Jizzaxda +2 daraja, Nukus, Urganch, Gulistonda +3 daraja, Toshkent, Navoiy, Samarqand, Termiz, Farg‘onada +4 daraja, Qarshi, Namanganda +5 daraja, Andijonda +6 daraja iliq.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.